Bakıda “Üfüqdə Yeni Fürsətlər: Qadın Sahibkarlara Yaşıl İşıq” V Forumu Keçirilib
November 28, 2025“Qarabağ incilərinin Avropa sədası” Layihəsi Çərçivəsində Parisdə Görüş Keçirilib
November 28, 2025“Qarabağ incilərinin Avropa sədası” layihəsi çərçivəsində keçirilən tədbir Türk Dünyası iş adamlarını və dövlət nümayəndələrini bir araya gətirdi
8 Noyabr – Azərbaycanın Zəfər Günündə Türk Dünyası Qadın Sahibkarları İstanbulda bir araya gəlib. Tədbir Azərbaycan Qadın Sahibkarlığının İnkişafı Assosiasiyası (AQSİA) və Türkiyə-Azərbaycan İş Qadınları Platforması əməkdaşlığı ilə təşkil olunub. Bu il Azərbaycanda elan edilmiş “Şuşa İli” çərçivəsində və Qeyri-Hökumət Təşkilatlarına Dövlət Dəstəyi Agentliyinin xüsusi müsabiqəsinin qalibi olan “Qarabağ incilərinin Avropa sədası” layihəsi çərçivəsində keçirilən tədbir 8 Noyabr Zəfər Günü, 9 Noyabr Bayraq Günü və Türk Ticarət və Sənaye Palatasının Qadın Sahibkarlar Komitəsinin 1-ci ildönümü münasibətilə həyata keçirilib.
Tədbir Türk Dünyası iş adamları, dövlət nümayəndələri və mətbuat işçilərinin iştirakı ilə baş tutub. Açılış mərasimində Qarabağ müharibəsi şəhidləri adına bir dəqiqəlik sükut elan edilib, Azərbaycan və Türkiyə himnləri səsləndirilib.
Spikerlər sırasında AQSİA İdarə Heyətinin sədri Səkinə Babayeva, Türkiyə-Azərbaycan İş Qadınları Platformasının prezidenti Yeganə Quliyeva, Türk Ticarət və Sənaye Palatasının 1-ci Qadın Sahibkarlar Komitəsinin Azərbaycan Hüquq və İctimaiyyətlə Əlaqələr Komissiyasının sədri vəkil Aygün Əliyeva, Azərbaycan millət vəkili Məlahət İbrahimqızı, Azərbaycanın İstanbuldakı Konsulu Zaur Allahverdizadə, Qırğızıstanın İstanbuldakı baş konsulu Lira Sıdıkova, Qazaxıstan Ahi Bektaş Türk Dünyası başkanı Anara Baycanova və ASAM Avrasiya Strateji Araşdırmalar Mərkəzi başkanı Musa Çələbi yer alıb. Spikerlər çıxışlarında Azərbaycanı Qarabağ zəfəri münasibəti ilə təbrik edərək, Türk Dünyası arasında ticarətin artırılmasında Qadın Sahibkarlar Komitəsinin fəaliyyətini strateji baxımdan önəmli addım kimi qiymətləndiriblər.
Tədbir Azərbaycan rəqs şousu və Azərbaycanlı sənətçi Səidə Quliyevanın musiqi ifası ilə davam edib.
