Yeni yaradılan mediasiya təşkilatlarının ictimai açılışları davam edir
November 28, 2025Dubayda qadın sahibkarlığı mövzusunda dəyirmi masa keçirilib
November 28, 2025Martın 16-da Azərbaycanda Qadın Sahibkarlığının İnkişafı Assosiasiyası (AQSİA) Novruz bayramı ərəfəsində sahibkar qadınlarla görüş təşkil edib.
AQSİA-nın İdarə Heyətinin sədri Səkinə Babayeva vurğulayıb ki, Assosiasiyanın yaranmasından indiyədək Azərbaycan qadınları öz nüfuzlu əməyini ölkədə və dünyada göstərərək uğurlu addımlar atıblar. O, ölkəmizin sosial və iqtisadi həyatında qadınların rolunun artmasını müsbət qiymətləndirib.
S.Babayeva qeyd edib ki, üç il ərzində AQSİA tərəfindən 1050-dən artıq tədbir həyata keçirilib. Bunların böyük hissəsi regionlarda keçirilən 400-dən artıq təlim-seminar xarakterli tədbirlərdir. Həmçinin 320 qadına ilkin kapital verilib ki, bu da artıq öz səmərəsini verir.
O bildirib ki, müasir qadın hərəkatı formalaşıb və bu hərəkatın yaranması Azərbaycanın Birinci vitse-prezidenti Mehriban Əliyevanın adı ilə bağlıdır. AQSİA bu prosesdə aktiv rol oynayır və fəaliyyəti dövründə Mehriban xanım Əliyevanın hərtərəfli dəstəyini həmişə hiss edib.
“Milli və etnik mədəniyyətimiz, dünya üzrə Azərbaycan ticarət evlərinin açılması qadınlar üçün yeni imkanlar yaradır. Bu istiqamətdə göstərilən dəstəyə görə dövlətimizə və media işçilərinə minnətdarıq”, – deyə S.Babayeva vurğulayıb.
Tədbirin sonunda iştirakçılara hədiyyələr təqdim olunub.
