KOBİA yanında İctimai Şuranın 2020-ci ildə ilk forumu qida biznesinə həsr olunub
November 22, 2025Romada İtaliya–Azərbaycan biznes forumu keçirilib
November 22, 2025Forumda mədəniyyət və incəsənət biznesinin mövcud vəziyyəti, inkişaf imkanları və sahibkarların qarşılaşdığı çətinliklər müzakirə olunub
Azərbaycan Respublikasının Kiçik və Orta Biznesin İnkişafı Agentliyi (KOBİA) yanında İctimai Şuranın təşkilatçılığı ilə ölkədə ilk dəfə olaraq mədəniyyət və incəsənət sahəsində biznesin inkişafına dair ictimai müzakirə keçirilib. 27 fevral tarixində YARAT Müasir İncəsənət Mərkəzində keçirilən “Mədəniyyət və incəsənət sahələri biznesi forumu: mövcud vəziyyət və perspektivlər” adlı forum Mədəniyyət Nazirliyi və KOBİA-nın dəstəyi ilə baş tutub.
Tədbirdə aidiyyəti dövlət qurumlarının nümayəndələri, qeyri-hökumət təşkilatları, mədəniyyət və incəsənət sahəsində fəaliyyət göstərən sahibkarlar və yaradıcı sənət nümayəndələri iştirak ediblər. Forum zamanı sahənin mövcud durumu, inkişaf perspektivləri, biznes mühitində mövcud çağırışlar və əməkdaşlıq imkanları müzakirə olunub, iştirakçıların təklifləri dinlənilib və sualları cavablandırılıb.
Forumda Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva və təşkilatın bir sıra üzvləri də iştirak ediblər.
Çıxışı zamanı AQSİA üzvü Aygün Nağıyeva 2018-ci ildə Heydər Əliyev Mərkəzində keçirilən tədbirdə iştirakından söz açaraq assosiasiyaya göstərilən dəstəyə görə minnətdarlığını bildirib. Assosiasiyanın təsisçilərindən Cəmilə Abdullayeva və toxuculuqla məşğul olan üzv İlhamə Əliyeva isə əl işləri ilə məşğul olan sahibkarların üzləşdiyi çətinliklər, xüsusən satış və bazara çıxış imkanları ilə bağlı suallarını müvafiq qurumların nümayəndələrinə ünvanlayıblar.
Tədbirin sonunda AQSİA üzvləri və tərəfdaşları ilə birgə xatirə şəkli çəkdirilib.
