Mədəniyyət və incəsənət sahəsində biznesin inkişafı mövzusunda ilk ictimai müzakirə keçirilib
November 22, 2025Heydər Əliyev Mərkəzində regional inkişaf proqramının icrasına dair panel iclaslar keçirilib
November 22, 2025Forumda iki ölkə arasında iqtisadi əməkdaşlıq, biznes imkanları və qadın sahibkarlığının inkişaf perspektivləri müzakirə olunub
21 fevral tarixində Romada İtaliya-Azərbaycan biznes forumu keçirilib. Forum İtaliyanın Xarici İşlər və Beynəlxalq Əməkdaşlıq Nazirliyi və İCE – İtaliya Şirkətlərinin Xaricdə Təşviqi Agentliyinin birgə təşkilatçılığı ilə baş tutub.
Tədbirdə Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva, Nərgiz Klinikasının baş həkimi Məlahət Qəhrəmanova, ASENA MMC-nin direktoru Sevda Nəcəfova, “Bambini” uşaq bağçasının rəhbəri Pərvanə Mustafayeva və digər sahibkar qadınlar iştirak ediblər.
Forum hər iki ölkə üçün mühüm əhəmiyyət daşıyır. Azərbaycan və İtaliya arasında iqtisadi əlaqələrin genişlənməsi, ticarət və investisiya imkanlarının artırılması, həmçinin qadın sahibkarlığının inkişafına əlavə stimul verəcək mühüm addımlardan biri kimi qiymətləndirilir. Hazırda iki ölkə arasında münasibətlər strateji xarakter daşıyır.
Biznes forumu çərçivəsində Azərbaycan və İtaliya arasında 28 sənəd imzalanıb. Bu sənədlər turizm, idman, qida təhlükəsizliyi, siyasi müdafiə və digər vacib sahələri əhatə edir və tərəflər arasında əməkdaşlığın daha da gücləndirilməsinə xidmət edir.
