Bakıda “Qadın haqları milli dəyərlər və milli prioritetlər kontekstində” layihəsi çərçivəsində tədbir keçirilib
November 21, 2025KOBİA yanında İctimai Şuranın birillik fəaliyyəti və 2020-ci il planları müzakirə edilib
November 21, 2025Gülnarə Xəlilovanın “İpək Sərvət” kolleksiyası milli brend “Azerbaijan Kelagayi” ilə birgə təqdim olunub
Noyabrın 27-də Beynəlxalq Muğam Mərkəzində Azərbaycan kəlağayısının 2014-cü ildə UNESKO-nun Qeyri-Maddi Mədəni İrs üzrə Reprezentativ Siyahısına daxil edilməsinin 5 illiyi münasibətilə moda nümayişi keçirilib.
Tədbirdə Azərbaycanda Qadın Sahibkarlığının İnkişafı Assosiasiyasının Sosial Məsələlər üzrə iş komissiyasının rəhbəri, dizayner-modelyer Gülnarə Xəlilova tərəfindən hazırlanmış “İpək Sərvət” adlı eksklüziv üst geyimlər kolleksiyası təqdim olunub. Kolleksiya milli brend “Azerbaijan Kelagayi” ilə birgə yaradılıb və tarixi hadisənin yubileyinə töhfə olub.
G.Xəlilova jurnalistlərə bildirib ki, indiyə qədər kəlağayıdan moda nümayişi keçirilməyib. O, milli geyim nümunəsi olan kəlağayını dəbə gətirdiyini və onun keçmiş şöhrətini qoruduğunu vurğulayıb. Moda nümayişində dizaynerin 16 il əvvəl hazırladığı geyim də nümayiş olunub.
Milli ruhda hazırlanmış “Novruz” və “Turan” kimi kolleksiyaların müəllifi olan G.Xəlilova, kəlağayını xaricdə də təbliğ etmək niyyətində olduğunu bildirib. Gecədə dizaynerin şəxsi kolleksiyasından 25 geyim nümayiş olunub.
