AQSİA “Sağlam Gələcək – Peyvənd həyat qurtarır” adlı sosial layihə həyata keçirib

Prezidentin doğum günü münasibətilə Bakı Sağlamlıq Mərkəzində keçirilən tədbirdə peyvəndin əhəmiyyəti barədə qadın sahibkarlar və həkimlər arasında maarifləndirici müzakirələr aparılıb.

Cənab Prezident Ali Baş Komandanın doğum günü münasibətilə Azərbaycanda Qadın Sahibkarlığının İnkişafı Assosiasiyasının həyata keçirdiyi sosial layihə çərçivəsində, Bakı Sağlamlıq Mərkəzində “Sağlam Gələcək-Peyvənd həyat qurtarır” adlı maarifləndirici tədbir baş tutub.

Bu tədbir Azərbaycanda Qadın Sahibkarlığının İnkişafı Assosiasiyası (AQSİA) ictimaiyyətlə əlaqələr komissiyasının sədri Blink Media rəhbəri Günay Kazımova və türk dilli iş qadınları kkomissiyasının sədri Cansu Dalkıranoğlu tərəfindən təklif edilərək icra edilib.

Dünyada və hal-hazırda ölkəmizdə peyvənd vurdurmaqdan qorxan, maariflənmək istəyən gənc ana sahibkarların qatıldığı sosial marifləndirmə tədbirində, tədbir iştirakçılarını AQSİA idarə heyətinin sədri Səkinə Babayeva salamlayaraq bu cür layihələrin qadınlarımız üçün əhəmiyyətli olduğunu vurğulayaraq sözü həkimlərə verib. Tədbirdə Azərbaycan klinik mikrobioloqlar və infeksionist ictimai birliyinin sədri Uzm. Dr. Vasif Əliyev də iştirak edib. Uzm. Dr. Kamil Şərifov “Yeni doğulmuş və yarımçıq doğulmuş körpələrdə peyvənd” mövzusunda çıxış edərək iştirakçıları maraqlandıran suallara cavab verib. Dr. Aygün Musayeva da öz növbəsində “Peyvəndin endokrin xəstəliklərdə vacibliyi” barədə detallı məlumat verib.

Uzm. Dr. Röyalə Babayeva “İmmun çatışmazlıq və allerjik xəstəliklərdə peyvənd” mövzusunda məlumatlandırma edib və sualları cavablandırıb.

Dr.İlahə Hacıyeva “Peyvənd olunmayan uşaqlarda nevroloji ağırlaşmalar və nevroloji problemi olan uşaqlarda peyvəndlənmə” mövzularına toxunaraq valideynləri narahat edən sualları cavablandırıb.

Qeyd edək ki 2024-cü ildə silsiləli şəkildə məktəblərdə, rayonlarda və gənc xanımlar arasında bir çox sosial tibbi maarifləndirmə tədbirləri keçiriləcək.