Bakıda Aqrar Biznes Festivallarının yekun tədbiri keçirilib
February 18, 2026Bakı Konqres Mərkəzində MÜSİAD Azərbaycanın 5-ci Ümumi Yığıncağı keçirilib
February 18, 2026İqtisadiyyat Nazirliyinin dəstəyi və Kiçik və Orta Biznesin İnkişafı Agentliyi (KOBİA) təşkilatçılığı ilə “Güc biznesdədir” devizi altında keçirilən “Dayaq” mükafatının təqdimetmə mərasimi baş tutub.
2025-ci ildə biznesində innovativ və müasir yanaşmalar tətbiq edən, ixracyönümlü məhsul və xidmətlər istehsal edən, aktiv investisiya fəaliyyəti ilə seçilən və məşğulluğun təmin edilməsinə töhfə verən 17 biznes subyekti “Dayaq” mükafatı ilə təltif olunub. Mükafatlar iqtisadiyyatın müxtəlif sektorlarında fəaliyyət göstərən ən fəal sahibkarlara təqdim edilib.
Tədbirdə 300-dən çox iş adamı, startap nümayəndəsi, biznes assosiasiyaları, Səkinə Babayeva (AQSİA İdarə Heyətinin sədri), millət vəkilləri və dövlət qurumlarının təmsilçiləri iştirak edib.
Rəsmi açılış mərasimində Anar Əliyev (Əmək və Əhalinin Sosial Müdafiəsi naziri), Elnur Əliyev (İqtisadiyyat nazirinin birinci müavini), Məmməd Musayev (Azərbaycan Sahibkarlar Təşkilatları Milli Konfederasiyasının prezidenti) və Orxan Məmmədov (KOBİA-nın İdarə Heyətinin sədri) çıxış edərək sahibkarlığın ölkə iqtisadiyyatındakı rolunu vurğulayıblar.
Tədbirdə 17 sahibkarlıq subyektinə mükafatlar təqdim olunub. Xüsusi olaraq, AQSİA üzvü “Med Life Goranboy Hospital”ın direktoru Günay Mustafayeva “Uğurlu qadın sahibkar” nominasiyası üzrə təltif olunub.
Eyni zamanda tədbir çərçivəsində AQSİA İdarə Heyətinin üzvü, “Məlhəm Hospital”ın təsisçisi Sevda Əlizadə uğur hekayəsini iştirakçılarla bölüşüb, startaplar innovativ layihələrini təqdim edib, sahibkarlıq mövzusunda film nümayiş olunub.
Tədbir “2026: KOB-ların çağırışı” mövzusunda panel müzakirə ilə davam edərək, kiçik və orta biznesin qarşıdakı dövrdə üzləşəcəyi imkanlar və çağırışlar müzakirə olunub.
