“Dayaq” Mükafatının təqdimetmə mərasimi keçirilib
February 18, 2026AQSİA UNCAC COSP çərçivəsində Doha tədbirində iştirak edib
February 18, 2026Bakı Konqres Mərkəzində MÜSİAD Azərbaycan-ın təşkilatçılığı ilə 5-ci Ümumi Yığıncaq uğurla baş tutub. Tədbir çərçivəsində son illərin fəaliyyət hesabatı təqdim olunub, yeni İdarə Heyəti seçilib və 2025–2027-ci illər üçün fəaliyyət planı təsdiqlənib.
Rəsmi açılış mərasimində MÜSİAD sədr müavini Səlim Başdemir çıxış edərək MÜSİAD-ın fəaliyyəti və qarşıdakı dövr üçün hədəfləri haqqında danışıb.
Açılış mərasimindən sonra Ümumi Yığıncağın işinin təşkili məqsədilə Divan Heyəti seçilib və səlahiyyətləndirilib. Bu mərhələdə MÜSİAD Azərbaycan İdarə Heyətinin üzvü Azər Göyüşov 2023–2025-ci illər üzrə fəaliyyət və maliyyə hesabatlarını təqdim edib. Hesabatlar təsdiqlənib və yeni dövr üçün qərarlar qəbul olunub.
Tədbirin son hissəsində MÜSİAD Azərbaycanın 3-cü dönəm şöbə sədri Fuat Kayhan və 2-ci dönəm şöbə sədri Rəşad Cabirli səhnəyə dəvət edilərək uğurlu fəaliyyət dövrü münasibətilə təşəkkür bildirilib. Onlara təşəkkür plaketi və hədiyyələr təqdim olunub.
Tədbirdə həmçinin Səkinə Babayeva, Azərbaycanda Qadın Sahibkarlığının İnkişafı Assosiasiyası-nın sədri iştirak edərək işgüzar əməkdaşlıq imkanları müzakirə olunub.
