AQSİA-da İdarə Heyətinin Seçkiləri Keçirilib

Azərbaycanda Qadın Sahibkarlığının İnkişafı Assosiasiyası (AQSİA) üzvlərinin və əməkdaşlarının iştirakı ilə təşkilatın gələcək fəaliyyət istiqamətləri və strateji planları müzakirə olunub. Tədbirdə qadın sahibkarların bilik və bacarıqlarının artırılması, biznes mühitinə inteqrasiyasının gücləndirilməsi və institusional inkişafın dəstəklənməsi istiqamətində həyata keçirilən layihələr və təlim proqramları təqdim olunub.

Əsas hissə kimi İdarə Heyətinin formalaşdırılması məqsədilə şəffaf və demokratik prinsiplərə əsaslanan seçki prosesi keçirilib. Seçkilərdə üzvlər fəal iştirak edərək gələcək dövrdə idarəetmədə təmsil olunacaq namizədlərə səs veriblər. Nəticədə 15 üzv İdarə Heyətinə seçilib, onlardan 4 nəfəri sədr müavini və 1 nəfər TNK vəzifəsinə təyin olunub.

Tədbir çərçivəsində təşkilatın fəaliyyətində xüsusi fəallıq göstərən üzvlər mükafatlandırılıb, hər birinə təşəkkür nişanı və döş nişanı təqdim olunub. Görüş xatirə fotosu ilə yekunlaşıb və AQSİA-nın birgə əməkdaşlıq, həmrəylik və qarşılıqlı dəstək dəyərlərinin simvolu kimi yadda qalıb.

AQSİA bundan sonra da qadın sahibkarlığının inkişafına töhfə verən təşəbbüsləri genişləndirməyi və yerli, həmçinin beynəlxalq tərəfdaşlıqları gücləndirməyi davam etdirəcək.