Kids Academy “Qadın məşğulluğunu ən çox artıran şirkət” nominasiyasının qalibi oldu

#AQSİA üzvü Tamilla Musayeva rəhbərlik etdiyi mərkəzlə beynəlxalq səviyyədə uğur qazandı
Türkiyədə keçirilən “Təşəbbüskar Qadınlar Gücü” yarışmasında “Qadın məşğulluğunu ən çox artıran şirkət” nominasiyasının qalibi Kids Academy seçilib. Mükafat Kids Academy-nin rəhbəri və eyni zamanda #AQSİA üzvü Tamilla Musayevaya təqdim olunub.

Bu uğur, mərkəzin qadın məşğulluğuna verdiyi töhfənin, sosial məsuliyyət strategiyasının və peşəkar idarəetməsinin bariz göstəricisidir. Həmçinin, Kids Academy-nin qısa zamanda göstərdiyi inkişaf, güclü idarəçilik və təhsilə innovativ yanaşması beynəlxalq səviyyədə tanınmasının təsdiqidir.

Kids Academy uşaqlar üçün dinamik şəkildə inkişaf edən tədris və inkişaf mərkəzidir və artıq bir neçə dəfə beynəlxalq arenada layiqli yer tutub. İnnovativ tədris modeli, müasir proqramlar və unikal inkişaf yanaşması sayəsində Sumqayıt regionunun ən perspektivli təhsil layihələrindən biri kimi mövqeyini möhkəmləndirib.

Mərkəz beynəlxalq əməkdaşlığa xüsusi önəm verərək müxtəlif müsabiqələrdə, forumlarda və təşəbbüslərdə ölkəmizi uğurla təmsil edib. Bu nailiyyət Kids Academy-nin təhsil proqramlarının keyfiyyətini və davamlı inkişaf strategiyasını bir daha göstərir.

Azərbaycanda Qadın Sahibkarlığının İnkişafı Assosiasiyası (#AQSİA) olaraq, Kids Academy komandasını və rəhbəri Tamilla Musayevanı səmimiyyətlə təbrik edir, onların qadın məşğulluğuna verdiyi dəyəri və təhsilin inkişafına göstərdikləri səyləri qürurla qeyd edirik.