AQSİA Novruz ərəfəsində sahibkar qadınlarla görüş keçirib
November 28, 2025Türkiye-Azerbaycan Kadın Girişimciler İş Forumu TOBB Plaza’da gerçekleştirildi
November 28, 2025Martın 9-da BƏƏ-nin Dubay şəhərində “Dubai Expo-2021” sərgisinin Qazaxıstan pavilyonunda qadın sahibkarlığının inkişafı, əməkdaşlıq və qadın liderliyi mövzusunda dəyirmi masa təşkil olunub. Tədbir Qazaxıstan Respublikasının Prezidenti yanında Qadınlar, Ailə və Demoqrafik Siyasət üzrə Milli Komissiyası və Qazaxıstan Respublikasının “Atameken” Milli Sahibkarlar Palatası tərəfindən, BMT-nin İnkişaf Proqramı və BMT-nin Qadınlar təşkilatının dəstəyi ilə keçirilib.
“Qazaxıstanda qadın sahibkarlığı: İnvestisiya imkanları və uğur hekayələri” panel sessiyasında çıxış edən Milli Komissiyanın üzvü Saule Salixova qadın sahibkarlığının iqtisadi və sosial həyatda oynadığı əsas rolu vurğulayıb və belə görüşlərin davamlı keçirilməsinin zəruriliyini qeyd edib.
Tədbirdə Azərbaycan və Özbəkistandan olan həmkarlar tərəfindən də bir sıra maraqlı və mühüm tezislər səsləndirilib. Dəyirmi masa çərçivəsində investisiyaların cəlb edilməsi üzrə biznes təlimi də keçirilib.
Ölkəmizi və AQSİA-nı tədbirdə AQSİA İdarə Heyətinin sədri Səkinə Babayeva, Təlim və Konsaltinq Komissiyasının rəhbəri Rəna Qəfərova və fəal üzv Aynur Musayeva təmsil edib.
