Budapeştdə icmaların inkişafı və aqrar sahədə qadın və gənclərin imkanları müzakirə olunub
November 28, 2025AQSİA və Qazaxıstan fondu arasında əməkdaşlıq memorandumu imzalandı
November 28, 2025Təlim iştirakçıları sahibkarlıq və gündəlik həyatda gender məsuliyyətli yanaşmanı öyrəniblər
6-7 iyun 2022-ci il tarixlərində Xaçmaz və Qubadan olan 50-yə yaxın qadın və kişi Azərbaycanda Qadın Sahibkarlığının İnkişafı Assosiasiyası (AQSİA) tərəfindən keçirilən “Gender məlumatlılığı və həssaslığı təlimi”ndə iştirak edib.
Təlim, “Gender yönümlü və çoxtərəfli əməkdaşlıq vasitəsilə davamlı inkişaf yolunda qadınların potensialının gücləndirilməsi və iqtisadi səlahiyyətləndirilməsi” layihəsi çərçivəsində təşkil olunub. İştirakçılar cəmiyyətdə qadın və kişilərin roluna aid mövcud gender stereotiplərini müzakirə edərək, əldə etdikləri bilikləri sahibkarlıq fəaliyyətlərində və gündəlik həyatda tətbiq etmə bacarığı qazanıblar.
Təlimin Xaçmaz sessiyasında Ailə, Qadın, Uşaq məsələləri üzrə Dövlət Komitəsinin Xaçmaz Resurs Mərkəzinin koordinatoru Firavan Əmrahova, Quba sessiyasında isə Quba Rayon İcra Hakimiyyətinin və İctimai-siyasi və humanitar Məsələlər Şöbəsinin nümayəndəsi Əhməd Nurullayev iştirakçıları salamlayıb.
Təlim Avropa İttifaqının maliyyələşdirdiyi, BMT-nin Qadınlar üzrə Agentliyi (UN Women) və BMT-nin Əhali Fondu (UNFPA) tərəfindən həyata keçirilən “Avropa İttifaqı Gender Bərabərliyi naminə: Birlikdə gender stereotiplərinə və gender əsaslı zorakılığa qarşı” proqramı çərçivəsində təşkil olunub.
