Xocavənddə hərbi qulluqçularla görüş: Qadın sahibkarlar və ictimai birliklər orduya dəstək göstərdi
November 21, 2025“İnnovativ sahibkarlığın inkişafında dövlətin güzəştli maliyyə dəstəyi” mövzusunda konfrans keçirilib
November 21, 2025Səkinə Babayeva qadınların formal əmək fəaliyyətinə cəlb olunmasının əhəmiyyətindən danışıb
31 iyul 2019-cu il tarixində İsveçrə İnkişaf və Əməkdaşlıq Agentliyi və Avstriya İnkişaf Əməkdaşlığı tərəfindən maliyyələşdirilən, Ailə, Qadın və Uşaq Problemləri üzrə Dövlət Komitəsi, BMT-nin İnkişaf Proqramı və BMT-nin Gender Bərabərliyi və Qadınların Səlahiyyətlərinin Artırılması Qurumu ilə birgə həyata keçirilən “Cənubi Qafqazda qadınların iqtisadi səlahiyyətlərinin artırılması” layihəsi çərçivəsində seminar təşkil olunub.
Seminarın mövzusu “Formal əmək fəaliyyətinə cəlb olunma ilə qadınların iqtisadi aktivlik dərəcəsinin artırılması” olub. Tədbirdə Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri və Bakı Tekstil Fabriki MMC-nin təsisçisi Səkinə Babayeva çıxış edib.
Səkinə Babayeva çıxışında hüquqi şərtlər altında, VÖEN istifadə etməklə işə götürməyin biznes və reputasiyaya olan müsbət təsirlərindən danışıb. O, bu yanaşmanın daha böyük partnyorlarla əməkdaşlıq üçün imkanlar yaratdığını vurğulayıb. Babayeva həmçinin öz fabrikində hazırda 130 qadın işçinin çalışdığını qeyd edərək, qadın işgüzarlığının artırılması istiqamətində gördüyü işlərdən danışıb.
