“Gömrük və sahibkarlıq” mövzusunda görüş keçirilib
November 12, 2025Qadın sahibkarlar qan xeyriyyəçilərinə dəstək oldular
November 12, 2025Tədbirdə qadın sahibkarlar fəaliyyətlərində qarşılaşdıqları problemləri müzakirə edib, universitet və texnoparkın imkanları ilə tanış olublar
13 iyun tarixində Bakı Mühəndislik Universitetində “Sabahın Qadın Sahibkarları” layihəsi çərçivəsində kiçik qadın sahibkarların iştirakı ilə görüş keçirilib.
Görüş zamanı sahibkarlıq fəaliyyəti ilə bağlı aktual və problemli məsələlər müzakirə olunub, bu problemlərin həlli yolları barədə fikir mübadiləsi aparılıb. Tədbirin məqsədi qadın sahibkarların bilik və bacarıqlarının artırılması, onların biznes fəaliyyətində qarşılaşdıqları çətinliklərə real yanaşmaların tapılması olub.
Qadın sahibkarlar həmçinin Bakı Mühəndislik Universiteti və onun Texnoparkı ilə yaxından tanış olublar. Qonaqlara universitetin innovativ layihələri, startap təşəbbüsləri və sahibkarlığın təşviqi istiqamətində həyata keçirilən fəaliyyətlər barədə ətraflı məlumat verilib.
Tədbir iştirakçıları belə layihələrin qadın sahibkarlığının inkişafına, yeni biznes ideyalarının formalaşmasına və gənc qadınların iqtisadi fəallığının artmasına mühüm töhfə verdiyini qeyd ediblər.
