AQSİA üzvləri Rusiyada “Gələcəyin Kooperasiyaları” forumunda iştirak edib
November 10, 2025AQSİA Azərbaycan-Özbəkistan Biznes Forumunda iştirak edib
November 10, 2025Azərbaycan məktəblərində robot texnologiyaları üzrə ilkin mentorluq təlimləri keçirilib
Azərbaycanda Qadın Sahibkarlığının İnkişafı Assosiasiyasının (AQSİA) tərəfdaşlığı ilə “Robotex Türkiyə” Azərbaycanda “Naxçıvan və Bakı Regional Yarışları” üçün ilkin mentorluq təlimlərini uğurla başa çatdırıb. Dünyanın ən böyük robot texnologiyaları festivalının Türkiyə tərəfdaşı olan “Robotex Türkiyə” 2024-cü ilin fevralından etibarən regional yarışlara start verəcək.
Mentorluq təlimləri təhsil müəssisələrinin nümayəndələri üçün təşkil olunub və onların robot texnologiyaları üzrə hazırlıq səviyyəsini artırmaq məqsədi daşıyıb. Təlimlərdə AQSİA nümayəndəsi Günay Həsənli ADA Universitetində çıxış edərək, texnologiyanın inkişafında qadın sahibkarların rolunun artırılması istiqamətində AQSİA tərəfindən görülən işləri təqdim edib.
Təlimlər Naxçıvan Dövlət Universiteti, ADA Universiteti və Bakı Ali Neft Məktəbi tərəfindən ev sahibliyi olunub. Təlimçilər sırasında Naxçıvan Dövlət Universiteti, Galata Universiteti, Qaziantep Universiteti, Manisa Cəlal Bayar Universiteti, Mustafa Kamal Universiteti, Həsən Kalyoncu Universiteti, Bilkent Universiteti, Bülent Ecevit Universiteti, On Dokuz May Universiteti və Milli Müdafiə Universitetindən alimlər yer alıblar. İki gün davam edən proqram çərçivəsində iştirakçılar robot texnologiyaları üzrə bilik və bacarıqlarını artırıblar.
