“Beynəlxalq ticarət” işçi qrupunun növbəti iclası keçirilib

İclasda beynəlxalq ticarətin asanlaşdırılması, dövlət xidmətlərinin keyfiyyətinin artırılması, məlumat mübadiləsi və idxal-ixrac əməliyyatlarının səmərəliliyinə dair monitorinq nəticələri müzakirə olunub.

Biznes mühiti və beynəlxalq reytinqlər üzrə Komissiyanın “Beynəlxalq ticarət” işçi qrupunun növbəti iclası keçirilib.

İclasda beynəlxalq ticarətin asanlaşdırılması üçün dövlət xidmətlərinin keyfiyyətinə dair qanunvericilik tənzimləməsi, məlumatların paylaşılması və ictimai məsləhətləşmələr, həmçinin, idxal və ixrac əməliyyatları üzrə vaxt və xərclərin səmərəliliyinin qiymətləndirilməsinə dair monitorinqin nəticələri ilə bağlı təqdimatlar dinlənilib.