AQSİA-nın təşkilatçılığı ilə növbəti korporativ səhər yeməyi keçirilib

Tədbirdə Ailə, Qadın və Uşaq Problemləri üzrə Komitənin nümayəndələri, eləcə də Türkiyədən gələn #USKD üzvləri iştirak edərək qadın sahibkarlar arasında əməkdaşlıq və netvörking imkanlarını müzakirə ediblər.

Azərbaycanda Qadın Sahibkarlığının İnkişafı Assosiasiyası(#AQSİA)-nın təşkilatçılığı ilə növbəti korporativ səhər yeməyi Keçirilib.
Tədbirdə Ailə,Qadın və Uşaq Problemləri üzrə Komitənin nümayəndələri və Türkiyənin İzmir şəhərindən gələn və Uluslararası Sürdürülebilir Kalkınmada Kadın Derneği (#USKD) –nin İH sədri Ayla Alkan və üzvləri olan türk iş qadınları da iştirak ediblər.
AQSİA İdarə Heyətinin sədri Səkinə Babayeva tədbirin açılışında iştirakçıları salamlayaraq qadın sahibkarlar arasında bir-birinə olan dəstəyin gücləndirilməsinin və bu tip #netvörking xarakterli görüşlərin daha çox təşkil edilməsinin əhəmiyyətini vurğulayıb.
Görüş zamanı #USKD üzvləri özlərini təqdim edib və sahibkarlıq fəaliyyətləri barədə məlumat veriblər.
Səmimi müzakirələr və fikir mübadiləsi ilə davam edən tədbir, #B2B görüşlər nəticəsində uğurla yekunlaşıb.