Bakı İqlim Fəaliyyəti Həftəsi çərçivəsində “İqlimə Davamlı Aqrobiznes: Strategiyanın, investisiyanın və siyasətin uzlaşdırılması”
October 10, 2025İstanbulda keçirilən Oktan Türk Təşkilatının təqdimatında qadın sahibkarlığına xüsusi diqqət göstərildi
October 10, 2025Bakıda “Halal sənaye sürətlə dəyişən dünyada dayanıqlılığın mənbəyi kimi” mövzusunda II Azərbaycan Halal Biznes (AZHAB) Forumu baş tutub.
Bakıda “Halal sənaye sürətlə dəyişən dünyada dayanıqlılığın mənbəyi kimi” mövzusunda II Azərbaycan Halal Biznes (AZHAB) Forumu baş tutub. Tədbir 30-dan çox ölkədən nümayəndələri bir araya gətirib. Forumun məqsədi halal sahəsində yeni əməkdaşlıqların qurulması, təcrübə və fikir mübadiləsinə şərait yaratmaq, həmçinin regiona sərmayə cəlbini təşviq etmək olub.
Azərbaycan Qadın Sahibkarlığının İnkişafı Assosiasiyasının (AQSİA) sədri Səkinə Babayeva da forumda iştirak edərək, halal sənayenin qadın sahibkarlar üçün yaratdığı imkanlar və mövcud təşəbbüslərlə bağlı tərəfdaşlarla müzakirələr aparıb.
Forum çərçivəsində “Halal sənayedə qadınların rolu” adlı panel müzakirəsi keçirilib. Paneldə çıxış edən Səkinə Babayeva qadınların halal sənayenin inkişafında mühüm rol oynadığını qeyd edib. O, AQSİA tərəfindən həyata keçirilən “AqroQadın: Dayanıqlı Gələcək Ekosistemi” layihəsi barədə danışaraq, qadınların rəqəmsal bacarıqlarının artırılması və dayanıqlı sahibkarlıq ekosisteminin qurulması istiqamətində görülən işləri diqqətə çatdırıb.
Paneldə həmçinin qadınların istehsal və ixrac yönümlü fəaliyyətlərdə iştirakı, etik və sosial məsuliyyətli biznes modellərinin təşviqindəki rolu vurğulanıb.
Tədbir çərçivəsində təşkil olunan sərgidə Azərbaycan, Türkiyə, Özbəkistan, Pakistan, Qırğızıstan və digər ölkələrdən 30-a yaxın şirkətin məhsul və xidmətləri nümayiş etdirilib.
Forumun sonunda KOBİA-nın İdarə Heyətinin sədri Orxan Məmmədov tərəfindən könüllülərə sertifikatlar təqdim olunub, iştirakçılarla xatirə fotosu çəkilib.
