AQSİA sədri Səkinə Babayeva Caspian Energy Forumun xüsusi sessiyasında iştirak edib

Forum çərçivəsində memorandum imzalanıb və YAŞAT Fonduna dəstək aksiyası həyata keçirilib

Azərbaycan-Türkiyə əməkdaşlığına həsr olunmuş Caspian Energy Forum çərçivəsində xüsusi sessiya təşkil edilib. Sessiyada Azərbaycanda Qadın Sahibkarlığının İnkişafı Assosiasiyasının İdarə Heyətinin sədri Səkinə Babayeva da iştirak edib.

Forum zamanı TÜİB, ATİB və Caspian Energy Club arasında memorandum imzalanıb. Memorandum çərçivəsində Caspian Energy Forumu artıq Azərbaycan, Türkiyə, Qazaxıstan, Özbəkistan, Gürcüstan və Avropa Birliyi ölkələri arasında sahibkarların birgə platformasına çevriləcək.

Sessiyanın sonunda “Caspian Energy Club”un sədri və baş icraçı direktoru Telman Əliyevin təşəbbüsü ilə memorandumda imzalanan qələmlər auksiona çıxarılıb. İlk qələm Kartaş LTD şirkətinin təsisçisi Necmeddin Taşbağ tərəfindən əldə edilib və vəsait dərhal YAŞAT Fonduna ianə edilib. Digər iki qələm isə öz sahibini gözləyir.

YAŞAT Fonduna dəstək olmaqla həm birliyimizi, həm də həmrəylik dəyərlərini nümayiş etdirə bilərik. Biz birlikdə güclüyük!