AQSİA nümayəndələri Sankt-Peterburqda XXV Beynəlxalq Qadınlar Konfransında iştirak ediblər
November 21, 2025“Türk dünyasının qadını – keçmişdən bu günə” mövzusunda beynəlxalq konfrans keçirilib
November 21, 2025“Nikaha hazırlaşan qızlara ailədaxili münaqişələrin aradan qaldırılması” layihəsi 150 qadına təlim və psixoloji dəstək göstərdi
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Azərbaycanda Qadın Sahibkarlığının İnkişafı Assosiasiyası (AQSİA) tərəfindən həyata keçirilən “Nikaha hazırlaşan qızlara ailədaxili münaqişələrin aradan qaldırılması mövzusunda psixoloji maarifləndirmə” layihəsi uğurla başa çatdı.
Layihə Tovuz, Şəmkir, Bərdə, Xaçmaz, Lənkəran rayonları və Bakı şəhəri üzrə reallaşdırılıb. Əlavə olaraq, regionlarda yerləşən ASAN xidmətin nigah şöbələri, Nigah evləri və Qadın məsləhətxanaları ilə birgə gənc ailələr və problemli ailələr üçün psixoloji xidmətlər təşkil olunub.
Layihə çərçivəsində aparılan psixoloji qiymətləndirmələr göstərib ki, son dövrlərdə boşanmaların artması, erkən yaşda ailə qurmaq və ailədaxili münaqişələr uşaqların psixoloji inkişafına mənfi təsir göstərir. Bu səbəbdən layihənin əsas məqsədi ailə psixologiyası modulunu yeni ailə qurmaq istəyənlərə öyrətmək olub.
3 ay müddətində layihə çərçivəsində aşağıdakı fəaliyyətlər həyata keçirilib:
- Ailə psixologiyası modulu əsasında təlim və psixoloji xidmətlərin göstərilməsi;
- Ailədaxili münaqişələrin aradan qaldırılmasına dair konsultasiyalar;
- Psixoloji dəstəyə ehtiyacı olan ailələr üçün fərdi və qrup dəstəyi;
- Uşaqlarla düzgün davranış qaydalarının valideynlərə öyrədilməsi;
- Ailə terapiyasının təşkili.
Layihə nəticəsində 150 qadına Bakı və regionlarda “Ailə psixologiyası modulu” təqdim edilib, bu təlimin gələcəkdə yeni ailələrin sağlam və harmonik münasibətlər qurmasına təkan verəcəyi gözlənilir.
