Səkinə Babayeva MARSOL şirkətinin “Business Breakfast” görüşündə iştirak edib
November 28, 2025Bakıda Azərbaycan-Səudiyyə Ərəbistanı Birgə İşgüzar Şurasının yaradılması ilə bağlı iclas keçirilib
November 28, 202523 dekabr tarixində Zaqatala rayon Heydər Əliyev Mərkəzində Azərbaycanda Qadın Sahibkarlığının İnkişafı Assosiasiyası (AQSİA), Gürcüstanın Biznes Qadınları Şurası və İsveçrə Əməkdaşlıq Təşkilatının Cənubi Qafqaz Ofisinin birgə təşəbbüsü ilə icra olunan “Dayanıqlı inkişaf yolunda qadınların iqtisadi gücləndirilməsi və gender bərabərliyinin təşviqi” layihəsinin bağlanış mərasimi keçirilib. Layihə Xarici İşlər üzrə Federal Departamenti tərəfindən təmsil olunan İsveçrə Konfederasiyası (FDFA) tərəfindən maliyyələşdirilmişdir.
Tədbirdə AQSİA İdarə Heyətinin sədri Səkinə Babayeva, İsveçrə Səfirliyinin, Zaqatala İcra Hakimiyyətinin nümayəndələri, Zaqatala KOB dostu və layihə iştirakçıları iştirak etmişdir.
Çıxışında Səkinə Babayeva iştirakçıları salamlayaraq layihə boyu göstərdikləri aktiv fəaliyyətə görə təşəkkür etmiş, regionlardakı qadınların sosial-iqtisadi gücünün artırılması məqsədilə belə layihələrin yaxın gələcəkdə yenidən həyata keçiriləcəyini vurğulamışdır. Tədbir zamanı qarşılıqlı müzakirələr aparılmış və iştirakçıların gələcək planları dinlənilmişdir.
Qeyd edək ki, layihəyə 90 qadın müraciət etmiş, 20 iştirakçı seçilərək təlimlərdə iştirak etmiş, 13 qadın isə biznes planlarını tam əsaslandıraraq avadanlıqlarını təhvil almışdır.
