AQSİA nümayəndələri işgüzar səfər çərçivəsində Adıgey Respublikasında sahibkarlarla görüşlər keçirib
November 21, 2025Gülnarə Xəlilova “Ən yaxşı vətənpərvər tədqiqatçı alim” mükafatına layiq görüldü
November 21, 2025“Gömrük sahəsində islahatlar və ‘Yaşıl dəhliz’ sistemi” mövzusuna həsr olunan forumda 900-dən çox iştirakçı bir araya gəlib
20 oktyabr 2019-cu il tarixində Xarici Ticarət İştirakçılarının 2-ci Respublika Forumu keçirilib. Forum “Gömrük sahəsində islahatlar: ‘Yaşıl dəhliz’ sisteminin tətbiqinin nəticələri və perspektivlər” mövzusuna həsr olunub.
Tədbirdə 900-dən artıq iş adamı, diplomatik korpus nümayəndələri və rəsmi şəxslər iştirak edib. Açılış mərasimində Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva, Dövlət Gömrük Komitəsinin (DGK) sədri Səfər Mehdiyev, Kənd Təsərrüfatı naziri İnam Kərimov, BMT-nin Azərbaycandakı rezident əlaqələndiricisi Qulam İsakzai, Milli Məclisin İqtisadi Siyasət, Sənaye və Sahibkarlıq Komitəsinin sədri Ziyad Səmədzadə, Qida Təhlükəsizliyi Agentliyinin sədri Qoşqar Təhməzli, Kiçik və Orta Biznesin İnkişafı Agentliyinin sədri Orxan Məmmədov, İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı, BP şirkətinin Azərbaycan–Gürcüstan–Türkiyə regionu üzrə xarici əlaqələr və strategiya üzrə vitse-prezidenti Bəxtiyar Aslanbəyli, Beynəlxalq Maliyyə Korporasiyasının Azərbaycandakı nümayəndəliyinin rəhbəri Aliyə Əzimova, Azərbaycan Sahibkarlar Konfederasiyasının prezidenti Məmməd Musayev və Azərbaycandakı Amerika Ticarət Palatasının icraçı direktoru Natəvan Məmmədova məruzələrlə çıxış ediblər.
Çıxışı zamanı Səkinə Babayeva qadın sahibkarlığının ölkə iqtisadiyyatında kiçik və orta biznesin ən dinamik hissəsini təşkil etdiyini vurğulayıb və bu sahədə aparılan islahatların vacibliyini qeyd edib.
Forum çərçivəsində DGK tərəfindən “Gömrük sahəsində islahatlar: ‘Yaşıl dəhliz’ sisteminin tətbiqinin nəticələri və perspektivlər” mövzusunda təqdimat keçirilib. Tədbir zamanı idxal-ixrac əməliyyatlarında qanunvericiliyin tələblərinə əməl edilməsi və könüllü riayət mədəniyyətinin təşviqi sahəsində fərqlənən bir sıra şirkətlərə “‘Yaşıl dəhliz’ sistemi çərçivəsində könüllü riayət mədəniyyətinə görə” mükafatı təqdim olunub.
Forum xarici ticarətin inkişafına, biznes mühitinin yaxşılaşdırılmasına və gömrük sistemində şəffaflığın artırılmasına yönəlmiş müzakirələrlə davam edib.
