Gəncədə sahibkar qadınların peşəkar şəbəkələşməsi və iqtisadi təşəbbüskarlığının inkişafı layihəsinin yekun tədbiri keçirilib
November 21, 2025AQSİA-nın Stavropol əyalətinə işgüzar səfəri baş tutub
November 21, 2025AQSİA qadın sahibkarları Gəncə-Qazax iqtisadi rayonunun sərgi-yarmarkasında iştirak edib
Sentyabrın 26-da Naftalan şəhərində “Azərbaycanda regional inkişaf” mövzusunda konfrans keçirilib. Tədbir İqtisadiyyat Nazirliyinin dəstəyi ilə Avropa İttifaqı və Almaniya Beynəlxalq Əməkdaşlıq Cəmiyyəti (GİZ) tərəfindən birgə təşkil olunmuş “Gəncə-Qazax İqtisadi Rayonunda Yerli və Regional İnkişafa Dəstək” layihəsi çərçivəsində baş tutub.
Konfransda Azərbaycanda Qadın Sahibkarlığının İnkişafı Assosiasiyasının (AQSİA) sədri Səkinə Babayeva və nümayəndələri, həmçinin İqtisadiyyat və Kənd Təsərrüfatı nazirlikləri, Kiçik və Orta Biznesin İnkişafı Agentliyi, Ailə, Qadın və Uşaq Problemləri üzrə Dövlət Komitəsi, Dövlət Turizm Agentliyi, Avropa İttifaqının Azərbaycan nümayəndəliyi və Gəncə-Qazax iqtisadi rayonuna daxil olan rayon və şəhər icra hakimiyyətlərinin nümayəndələri iştirak ediblər.
Konfransın əsas məqsədi Gəncə-Qazax iqtisadi rayonuna daxil olan inzibati rayonların inkişaf planlarının hazırlanması prosesini və nəticələrini təqdim etmək olub.
Tədbir çərçivəsində Kiçik və Orta Biznesin İnkişafı Agentliyi və Naftalan Şəhər İcra Hakimiyyətinin birgə təşkilatçılığı ilə Gəncə-Qazax iqtisadi rayonunda fəaliyyət göstərən mikro, kiçik və orta biznes subyektlərinin regional sərgi-satış yarmarkası da keçirilib. Burada AQSİA üzvü olan Tovuz, Gədəbəy və Daşkəsən rayonlarından 12 qadın sahibkar məhsullarını sərgiləyərək iştirakçılara təqdim ediblər.
Tədbir qadın sahibkarların biznes şəbəkələrini genişləndirməsi və regional iqtisadi inkişafın təşviqi baxımından əhəmiyyətli hesab olunub.
