AQSİA təlimləri Aida Behbudovanın sahibkarlıq fəaliyyətinə dəstək olur
November 21, 2025Sahibkarlar “Partners & Business” səhər yeməyində bir araya gəldilər
November 21, 2025“Ailə Başçısı Qadın olan həssas ailələrin iqtisadi gücləndirilməsi” layihəsi başlayır
Azərbaycanda Qadın Sahibkarlığının İnkişafı Assosiasiyası (AQSİA) İsveçrə Əməkdaşlıq Fondunun (SDC) qrant dəstəyi ilə Tovuz rayonunda “Ailə Başçısı Qadın olan həssas ailələrin iqtisadi gücləndirilməsi” layihəsini həyata keçirir.
Layihənin əsas məqsədi Tovuzda yeni fəaliyyətə başlayan qadın sahibkarların dəstəklənməsidir. Bunun üçün ailə başçısı olan qadınların maliyyə savadlılığı, kompüter bacarıqları və biznes idarəetməsi üzrə bilikləri artırılacaq, onları öz bizneslərinə başlamaya və ya mövcud bizneslərini genişləndirməyə həvəsləndirmək planlaşdırılır.
Həmçinin, layihə çərçivəsində seçilmiş benefisiar qadınlara ilkin toxum kapitalı veriləcək və onların təcrübəsi daha geniş qadın auditoriyası ilə bölüşdürüləcək. Layihənin həyata keçirilməsi nəticəsində Tovuz rayonunda qadınların iqtisadi güclənməsi və sahibkarlıq fəaliyyətinin artırılması nəzərdə tutulur.
Bu təşəbbüs, qadınların iqtisadi müstəqilliyini gücləndirərək onların güclü, özünəinamlı və iqtisadi baxımdan fəal iştirakçılar olmalarına xidmət edəcək.
