Tovuzda qadın sahibkarlar üçün məlumatlandırıcı kouçinq təlimi keçirilib
November 12, 2025“İnnovativ startapları necə inkişaf etdirməli?” mövzusunda təlim keçirilib
November 12, 2025Azərbaycanda Qadın Sahibkarlığının İnkişafı Assosiasiyası Moskvanı uğurla təmsil edib
22-24 oktyabr 2018-ci il tarixində Moskva şəhərində Les Femmes Chefs d’Entreprises (FCEM) – Dünya Qadın Sahibkarlar Assosiasiyasının 66-cı Ümumdünya Konqresi keçirilmişdir. Qeyd edək ki, FCEM Fransada Madam Foinant tərəfindən İkinci Dünya Müharibəsinin sonrasında yaradılıb və hazırda 120 ölkədən 5 milyondan çox qadını birləşdirir.
Moskva konqresində Azərbaycandan Azərbaycan Qadın Sahibkarlığının İnkişafı Assosiasiyasının sədri Səkinə Babayeva, Karvan-L şirkətinin rəhbəri Rəna Qafarova, Nərgiz Klinikasının rəhbəri Məlahət Qəhramanova və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) nümayəndəsi Kristina Məmmədova iştirak etmişdirlər.
Konqres zamanı 40 ölkədən iştirakçıların qatıldığı müzakirələrdə qadın sahibkarlığın inkişafı, yeni konsepsiyalar və dünya üzrə praktik təcrübələr paylaşılmışdır. AQSİA-nın sədri Səkinə Babayeva çıxış edərək qadınların iqtisadi sahədə aktiv iştirakı və təşviqi mövzusuna diqqət çəkmiş, Assosiasiyanın fəaliyyəti və uğurları barədə geniş məlumat vermişdir.
O, həmçinin Prezident İlham Əliyev və Birinci Vitse-prezident Mehriban Əliyevanın təşəbbüsü ilə qadın sahibkarlığının dəstəklənməsi, sosial layihələrin həyata keçirilməsi və qaçqın, məcburi köçkün qadınların iqtisadi fəaliyyətə cəlb olunması barədə konqres iştirakçılarına məlumat vermişdir. İqtisadiyyat Nazirliyi yanında Kiçik və Orta Müəssisələrə Yardım Fondu tərəfindən qadın sahibkarlara son illərdə 83 milyon dollar məbləğində imtiyazlı kreditlər verildiyi xüsusi vurğulanmışdır.
Konqresdə AQSİA-nın təqdimat video-çarxı nümayiş olunmuş və Assosiasiyanın qadınların həyatın bütün sahələrində fəaliyyətini təmin etmək istiqamətindəki fəaliyyəti iştirakçılara təqdim edilmişdir.
