İstanbulda keçirilən Oktan Türk Təşkilatının təqdimatında qadın sahibkarlığına xüsusi diqqət göstərildi
October 10, 2025”She Builds Green: Qadın Sahibkarların Azərbaycanda İqlim Dayanıqlığına Töhfələri”
October 10, 202513 sentyabr 2025-ci il tarixində Azərbaycanda Qadın Sahibkarlığının İnkişafı Assosiasiyasının (AQSİA) təşkilatçılığı ilə Sumqayıt şəhərində yerləşən Kids Academy-də maarifləndirici Tea Talk tədbiri baş tutdu.
Tədbirin əsas məqsədi qadın sahibkarların daxili gücünü və biznes düşüncəsini inkişaf etdirmək, psixoloji aspektlərə toxunaraq onları daha da ilhamlandırmaq olub.
Tədbirin açılışını AQSİA-nın Sumqayıt nümayəndəliyinin rəhbəri Tamilla Musayeva edərək iştirakçıları salamladı və sözü AQSİA İdarə Heyətinin sədri Səkinə Babayevaya verdi. Səkinə xanım çıxışında sahibkarlıqda qarşılaşılan çətinliklər, uğur hekayələri və şəxsi təcrübələrini iştirakçılarla bölüşdü.
Görüş çərçivəsində AQSİA İdarə Heyətinin üzvləri ilə Sumqayıt nümayəndəliyinin komandası arasında tanışlıq baş tutdu, iştirakçılar Assosiasiyanın fəaliyyəti və üzvlüklə bağlı ətraflı məlumat əldə etdilər.
Tədbirin sonunda iştirakçılar Kids Academy-nin fəaliyyət prosesi ilə tanış oldu. Qonaqpərvərlik üçün Tamilla xanıma və komandasına təşəkkür edirik.
Qeyd: Artıq Sumqayıt şəhərində fəaliyyət göstərən sahibkar xanımlar öz layihə təşəbbüsləri, əməkdaşlıq təklifləri və üzvlüklə bağlı birbaşa AQSİA-nın Sumqayıt nümayəndəliyinə müraciət edə bilərlər.
