Partners&Business tədbirində AQSİA nümayəndəsi iştirak edib
November 22, 2025Azərbaycan Beynəlxalq Bankı “Sahibkarlar Klubu”nu təqdim etdi
November 22, 2025Forumda 15 ölkədən nümayəndələr iştirak edib, Azərbaycanı dörd qadın spiker təmsil edib
5–6 mart 2020-ci il tarixlərində Türkiyənin Maltepe şəhərində Beynəlxalq Qadın Forumu keçirilib. Forumda 15 ölkədən nümayəndələr iştirak edib. Tədbirin açılışını Maltepe Bələdiyyəsinin sədri Ali Kılıç edib.
Azərbaycan Respublikasını forumda dörd qadın spiker təmsil edib.
AQSİA-nın təsisçisi, sədr müavini, Turizm Sənayesinin İşinin Təşkili Komissiyasının sədri və AQSİA nəzdində fəaliyyət göstərən Qadın Biznes İnkuabatorunun (QBİ) icraçısı Cəmilə Abdullayeva Assosiasiyanın fəaliyyəti barədə məlumat verib. O, “Qadın biznesmenlər nələrə diqqət etməli, necə iş qurmalı və necə müvəffəqiyyətli olmalı” mövzusunda çıxış edib. Cəmilə Abdullayeva forum çərçivəsində AQSİA üzvlərinin əl işlərindən ibarət hədiyyəni Bələdiyyə sədri Ali Kılıça təqdim edib.
Jurnalist Vüsalə Məmmədova “Qarabağ müharibəsində qadınlar və uşaqlar” mövzusunda çıxış edərək, müharibə dövründə yaşananları şəxsi həyat hekayəsi və Lent.az-da yayımlanan “Əsir düşərgəsi” araşdırma layihəsi əsasında təqdim edib.
Xəzər Universitetinin humanitar, təhsil və sosial elmlər fakültəsinin dekanı, dosent Elza Səmədova “Hacı Zeynalabdin Tağıyevin müsəlman qız məktəbinin Azərbaycanda qadın təhsilinə təsiri” mövzusunda spiker kimi çıxış edib.
Azərbaycan Dövlət İqtisad Universitetinin dosenti Südabə Salehova isə “Azərbaycanda qadın məşğulluğu” mövzusunda məruzə ilə çıxış edib. O, Azərbaycan Xalq Cümhuriyyəti, sovet və post-sovet dövrlərində qadın məşğulluğu, qadınlara verilən hüquqlar, onların fəaliyyət göstərdikləri sahələr və müasir dövrdə qadınların iqtisadiyyatda iştirakı ilə bağlı statistik məlumatlar əsasında analiz təqdim edib.
