“Milli KSM Mükafatı 2019”un qalibləri elan edilib
November 22, 2025Mədəniyyət və incəsənət sahəsində biznesin inkişafı mövzusunda ilk ictimai müzakirə keçirilib
November 22, 2025Forumda qida sektorundakı mövcud vəziyyət, qanunvericilik dəyişiklikləri və əməkdaşlıq imkanları müzakirə edilib
Kiçik və Orta Biznesin İnkişafı Agentliyi (KOBİA) yanında İctimai Şuranın 2020-ci ildə təşkil etdiyi ilk forum qida biznesinə həsr olunub. 23 yanvar tarixində keçirilən “Qida biznesi forumu: mövcud vəziyyət və perspektivlər” mövzusunda tədbirdə Azərbaycanda Qadın Sahibkarlığının İnkişafı Assosiasiyasının İdarə Heyətinin sədri Səkinə Babayeva, KOBİA-nın, Qida Təhlükəsizliyi Agentliyinin, Kənd Təsərrüfatı Nazirliyinin nümayəndələri, müvafiq dövlət qurumlarının rəsmiləri və qida sektorunda fəaliyyət göstərən sahibkarlar iştirak ediblər.
Forum çərçivəsində qida sektorunda mövcud vəziyyət, qanunvericiliyə edilmiş son dəyişikliklər, dövlət-özəl tərəfdaşlığı və sahənin inkişaf perspektivləri müzakirə olunub. İştirakçıların sualları cavablandırılıb, biznes subyektlərinin rəy və təklifləri dinlənib. Bildirilib ki, forum zamanı səsləndirilmiş təkliflər aidiyyəti qurumlara təqdim olunacaq.
KOBİA-nın İdarə Heyətinin sədri Orxan Məmmədov çıxışında bildirib ki, qida sektorunda fəaliyyət göstərən sahibkarların sayı sürətlə artır və yalnız 2019-cu ildə bu sahədə 10 mindən artıq biznes subyekti qeydiyyata alınıb. O qeyd edib ki, qida təhlükəsizliyinin təmin olunması üçün bu sahədə biznesin səmərəli təşkili, KOB-ların bilik və bacarıqlarının artırılması, maarifləndirmə tədbirlərinin genişləndirilməsi və yerli qida məhsullarının satış-logistika imkanlarının inkişaf etdirilməsi vacibdir.
Kənd Təsərrüfatı nazirinin müavini Elçin Zeynalov və Qida Təhlükəsizliyi Agentliyinin sədr müavini Rüfət Rüstəmzadə çıxışlarında qida sektorunun qeyri-neft iqtisadiyyatının prioritet istiqamətlərindən biri olduğunu vurğulayıb, sahədə aparılan islahatlar, layihələr və yeni normativ dəyişikliklərlə bağlı məlumat veriblər.
Forum zamanı KOBİA-nın mikro, kiçik və orta sahibkarlara dəstək mexanizmləri barədə video materiallar təqdim olunub.
KOBİA yanında İctimai Şuranın sədri Fərhad Qaraşov Şuranın fəaliyyəti, forumun keçirilməsinin məqsədi və üçtərəfli əməkdaşlıq formatı barədə məlumat verib. Qeyd olunub ki, 2019-cu ildə İctimai Şuranın təşkilatçılığı ilə müxtəlif mövzularda 6 forum keçirilib və bu istiqamətdə tədbirlər 2020-ci ildə də davam etdiriləcək.
