AQSİA Türk Dünyasında Qadınların İqtisadi Güclənməsinə Həsr Olunan Beynəlxalq Konfransda Təmsil Olunub
June 5, 2026AQSİA nümayəndəsi ADAU-da təhsil və istehsalat əməkdaşlığının əhəmiyyətini vurğulayıb
June 5, 2026Türkiyənin Düzce Universitetində keçirilən “Türk Dünyasında Kadın: Ekonomik Dönüşüm və Kalkınma” mövzusunda beynəlxalq konfransda Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin üzvü Məhəbbət İbrahimova təşkilatı təmsil edib.
Türk dünyasının müxtəlif ölkələrindən ziyalı, sahibkar və ictimai fəal qadınların iştirak etdiyi tədbirdə qadınların iqtisadi gücləndirilməsi, sahibkarlıq imkanlarının genişləndirilməsi, liderlik potensialının artırılması və dayanıqlı inkişafda rolu ətrafında fikir mübadiləsi aparılıb.
Konfrans çərçivəsində AQSİA ilə Düzce Universiteti və Kırklareli Universiteti arasında əməkdaşlıq memorandumu imzalanıb. Memorandumun əsas məqsədi tərəflər arasında elmi və praktiki əməkdaşlığın inkişaf etdirilməsi, birgə layihələrin həyata keçirilməsi, təcrübə və bilik mübadiləsinin genişləndirilməsi, həmçinin qadın sahibkarlığının təşviqinə yönəlmiş təşəbbüslərin dəstəklənməsidir.
Tədbirdə çıxış edən iştirakçılar qadınların iqtisadi həyatda daha fəal iştirakının cəmiyyətlərin inkişafı üçün vacib amillərdən biri olduğunu vurğulayıblar. Qeyd olunub ki, Türk dünyasında qadınlar arasında əməkdaşlığın gücləndirilməsi yeni imkanların yaranmasına, innovativ təşəbbüslərin formalaşmasına və davamlı inkişaf hədəflərinə nail olunmasına mühüm töhfə verir.
AQSİA nümayəndələri beynəlxalq əməkdaşlığın genişləndirilməsinin qadın sahibkarların inkişafı və onların qlobal şəbəkələrə inteqrasiyası baxımından xüsusi əhəmiyyət daşıdığını bildiriblər.
The Azerbaijan Association for the Development of Women’s Entrepreneurship (AQSIA) was represented by Board Member Mahabbat Ibrahimova at the international conference titled “Women in the Turkic World: Economic Transformation and Development,” held at Düzce University in Türkiye.
The prestigious event brought together distinguished women leaders, academics, entrepreneurs, and activists from across the Turkic world to discuss women’s economic empowerment, the expansion of entrepreneurship opportunities, and the role of women in sustainable development.
As part of the conference, a Memorandum of Cooperation was signed between AQSIA, Düzce University, and Kırklareli University. The agreement is expected to contribute to the implementation of joint projects, the expansion of academic and practical knowledge exchange, and the strengthening of initiatives aimed at supporting women’s entrepreneurship.
Participants emphasized the importance of enhancing women’s participation in economic life and fostering stronger cooperation among women across the Turkic world. Discussions focused on creating new opportunities for women entrepreneurs, promoting innovation, and advancing sustainable development through collaborative efforts.
AQSIA believes that unity, solidarity, and mutual support among women in the Turkic world serve as powerful drivers for creating new opportunities and ensuring long-term sustainable development.







