“Qarabağ incilərinin Avropa sədası” Layihəsi Çərçivəsində Parisdə Görüş Keçirilib

AQSİA sədri Səkinə Babayeva layihənin icrası və qadın əməyindən danışıb

Qeyri-Hökumət Təşkilatlarına Dövlət Dəstəyi Agentliyinin dəstəyi ilə Paris şəhərində “Qarabağ incilərinin Avropa sədası” layihəsi çərçivəsində “Feminin Pluriel Global” təşkilatının prezidenti Alexandra Orijeylə görüş keçirilib.

Görüşdə Azərbaycan Qadın Sahibkarlığının İnkişafı Assosiasiyasının (AQSİA) sədri Səkinə Babayeva layihənin icrası, qadın əməyinin dəstəklənməsi və dövlət dəstəyindən danışıb. Layihənin yenicə nəşr olunmuş kitabı Alexandra Orijeyə təqdim olunub.

Qeyd edək ki, layihə Qeyri-Hökumət Təşkilatlarına Dövlət Dəstəyi Agentliyinin dəstəyi ilə yanaşı PAŞA Sığorta ASC, Azərbaycan Respublikasının Fransadakı səfirliyi, Azərbaycanın Fransadakı Dostları Assosiasiyası, BTF MMC və K. Fabuel Moda Evinin tərəfdaşlığı ilə həyata keçirilir.