Millət vəkilləri və QHT rəhbərləri Tovuz döyüşçülərinin ailələrini ziyarət edib
November 22, 2025AQSİA rəhbəri Səkinə Babayeva ASK ilə onlayn görüşdə iştirak edib
November 22, 2025Asya Ələkbərova və uşaqlarına maddi və tibbi yardım göstərildi
Hovsan qəsəbəsində ata evində yaşayan Asya Ələkbərova adlı gənc ana iki azyaşlı övladına baxmaqda çətinlik çəkirdi. Xüsusilə, ailədə yeni doğulmuş 15 günlük körpənin həyatı təhlükə altında idi.
Məsələ Azərbaycanda Qadın Sahibkarlığının İnkişafı Assosiasiyası (AQSİA) tərəfindən dərhal diqqətə alınıb. AQSİA-nın üzvü, “Xeyirli əllər” fondunun, “By Aynur Xəlilova” Moda evinin təsisçisi və “Double” şirkətinin kreativ direktoru Aynur Xəlilova operativ reaksiya göstərərək körpə və qız övladlarını zəruri qida və sağlamlıq məhsulları ilə təmin edib, onların davamlı maddi və tibbi dəstəyini öz üzərinə götürüb.
AQSİA daxilində keçirilən iclasda sahibkar xanımlar körpə və uşaqlar üçün maddi yardımın göstərilməsi və müvafiq qurumlara müraciət olunmasını qərara alıblar. 15 günlük körpənin vəziyyəti ilə bağlı Hovsan 16 saylı uşaq poliklinikasına və yerli sosial müdafiə şöbəsinə müraciət ünvanlanıb.
İclasda körpənin həyatı və uşaqların rifahı ilə bağlı dəyişikliklərin daimi izlənilməsi tövsiyə edilib.
