Rabitəbank regionlarda sahibkarları maarifləndirməyə və dəstəkləməyə davam edir
November 21, 2025Gəncədə sahibkar qadınların peşəkar şəbəkələşməsi və iqtisadi təşəbbüskarlığının inkişafı layihəsinin yekun tədbiri keçirilib
November 21, 2025Festivalda sahibkarlar, dövlət rəsmiləri və AQSİA nümayəndələri iştirak ediblər
28 sentyabr 2019-cu il tarixində II Beynəlxalq fındıq, qoz və şabalıd festivalının rəsmi açılış mərasimi Zaqatala şəhərində keçirilib. Tədbirdə Kənd Təsərrüfatı naziri İnam Kərimov, İqtisadiyyat nazirinin müavini Sahib Məmmədov, Mədəniyyət Nazirliyi və “Meliorasiya və Su Təsərrüfatı” ASC-nin nümayəndələri, Milli Məclisin deputatları, xarici ölkə səfirliklərinin nümayəndələri, qonşu rayonların icra hakimiyyəti başçıları, fındıq istehsalçıları və rayon sakinləri iştirak ediblər.
Festival iştirakçıları əvvəlcə Ulu Öndər Heydər Əliyevin abidəsi önünə gül dəstələri düzüb, sonra Heydər Əliyev Mərkəzi ilə tanış olublar. Açılış mərasimində qonaqlar bal şərbəti, fındıqlı çörək və qərzəkli meyvələrdən hazırlanmış xonça ilə qarşılanıblar.
Festivalda Azərbaycanda Qadın Sahibkarlığının İnkişafı Assosiasiyasının (AQSİA) idarə heyətinin sədri Səkinə Babayeva və Oğuz, Tovuz və Gədəbəy rayonlarının AQSİA nümayəndələri də iştirak edərək, yerli qadın sahibkarların təcrübələrini bölüşüblər və festivalın təşviqinə dəstək veriblər.
