AQSİA nümayəndələri Bakı KOB Evi ilə görüşüb
November 11, 2025“Biznesdə Qadınların Gücü” Layihəsi Bakı KOB Evində təqdim olunub
November 11, 2025Sərgi mikro və kiçik sahibkar qadınların məhsullarını nümayiş etdirmə və şəbəkələşmə imkanlarını təqdim edib
USAID Özəl Sektorun İnkişafı Layihəsi çərçivəsində Azərbaycanda Qadın Sahibkarlığının İnkişafı Assosiasiyası (AQSİA) Tovuz rayonunda, Nizami Gəncəvi adına Mədəniyyət Evində əl işləri və kiçik istehsal məhsullarından ibarət satış sərgisi və şəbəkə forumu təşkil edib.
Sərginin əsas məqsədi qərb regionunda fəaliyyət göstərən mikro və kiçik sahibkar qadınların məhsullarını — un və şirniyyat məmulatları, tekstil, kənd təsərrüfatı məhsulları, aksesuarlar və digər məhsulları — satışa çıxarmaq və onları şəbəkələşdirmək olub. Layihə BMT-nin Dayanıqlı İnkişaf Məqsədlərinin 1-ci (“Yoxsulluğa son”) və 8-ci (“Layiqli əmək və iqtisadi artım”) bəndlərini dəstəkləyir.
Sərgidə Gəncə, Şəmkir, Gədəbəy, Tovuz, Naftalan, Daşkəsən, Göygöl, Qazax və Ağstafa rayonlarından 50-dən çox sahibkar iştirak edib. Tədbirdə AQSİA İdarə Heyətinin sədri Səkinə Babayeva, Tovuz Rayon İcra Hakimiyyətinin başçısının 2-ci müavini Təranə Bayramova, Tovuz KOB Dostu Nəriman Zeynalov, AQSİA-nın regional nümayəndəlikləri və digər yerli və beynəlxalq təşkilatların nümayəndələri iştirak ediblər. Ümumilikdə sərgidə 100-dən çox iştirakçı ziyarətçi olub.
Sərgi qadın sahibkarların biznes imkanlarını genişləndirmək, məhsullarını tanıtmaq və regional şəbəkələr qurmaq üçün platforma rolunu oynayıb.
