AQSİA İH sədri Səkinə Babayeva “I Regional Gənclər və Turizm Forumu”nda iştirak edib

Gəncədə keçirilən forum gənclərin turizm və regionların inkişafındakı rolunu gücləndirməyi hədəfləyib

Gəncə şəhərində “I Regional Gənclər və Turizm Forumu” keçirilib. Tədbir Gəncə Şəhər İcra Hakimiyyətinin, Yeni Azərbaycan Partiyası (YAP) Gəncə şəhər təşkilatının, Gəncə şəhər Gənclər və İdman Baş İdarəsinin dəstəyi və “Gələcək Naminə” İctimai Birliyinin təşkilatçılığı ilə baş tutub.

Forumun əsas məqsədi ölkənin turizm potensialından səmərəli istifadə yollarını müzakirə etmək, regionların sosial-iqtisadi inkişafında gənclərin iştirakını artırmaq, eləcə də yeni ideyaların və uğurlu təcrübələrin paylaşılmasını təşviq etmək olub.

AQSİA İdarə Heyətinin sədri Səkinə Babayeva tədbirdə iştirak edərək gənclərin sahibkarlıq və turizm sahəsində təşəbbüslərinin dəstəklənməsinin vacibliyini vurğulayıb, regionlarda gənc sahibkarların inkişafına yönələn layihələrin önəmini qeyd edib. Forum iştirakçıları gələcək əməkdaşlıq imkanlarını və gənclərin turizm sektoruna inteqrasiyasını müzakirə ediblər.