İqtisadiyyat Nazirliyi yanında İctimai Şura Sahibkarlığın İnkişafı Fondu ilə birgə ictimai müzakirə keçirib
November 10, 2025“İqtisadiyyatda Həmrəy Qadınlar” Korporativ Türk Gecəsi keçirilib
November 10, 2025AQSİA və Dövlət Turizm Agentliyi tərəfindən yerli turizm marşrutlarının formalaşması və marketinqi üzrə təlim
Azərbaycanda Qadın Sahibkarlığının İnkişafı Assosiasiyası (AQSİA) və Dövlət Turizm Agentliyinin birgə təşkilatçılığı ilə “Turizm sahəsində layihələrin maliyyələşdirilməsi üzrə 1-ci qrant müsabiqəsi” çərçivəsində təqdim olunan layihə qalib olub. Layihə “Turizm sahəsində fəaliyyət göstərən qadın sahibkarların Qarabağ və ətraf rayonlarda fəaliyyətinin genişləndirilməsi və turizm üzrə kadr hazırlığına dəstək” məqsədini daşıyır.
17 iyul tarixində ölkədə turizm fəaliyyəti göstərən qadın sahibkarlar və əslən Qarabağlı potensial sahibkarlar üçün “Yerli turizm marşrutlarının formalaşması və marketinqi” mövzusunda təlim keçirilib. Təlim AQSİA-nın turizm üzrə eksperti Ceyhun Aşurov tərəfindən aparılıb. Təlim çərçivəsində daxili turizm marşrutlarının hazırlanması, Qarabağda turizm fəaliyyətinin istiqamətləri, tarixi turistik abidələr və marketinq strategiyalarının qurulması barədə ətraflı məlumat verilib.
İştirakçılar mövzu üzrə müzakirələr apararaq suallarını cavablandırıblar. Layihənin növbəti mərhələsində iştirakçılar Qarabağın 5 şəhərinə səfər edərək praktik təcrübə qazanacaqlar.
