AQSİA və ATİA arasında qadın sahibkarların tikinti sahəsində rolu müzakirə olundu
November 10, 2025AQSİA BƏƏ-də “Rəqəmsal əsrdə təsirli biznesin yaradılması” zirvəsində iştirak edib
November 10, 202523 qadın sahibkar üçün təlimlər, təcrübə səfərləri və maliyyə dəstəyi
Kiçik və Orta Biznesin İnkişafı Agentliyi (KOBİA) və “Rabitəbank” ASC-nin təşkilatçılığı ilə, Azərbaycan Sahibkarlar (İşəgötürənlər) Təşkilatları Milli Konfederasiyası, Azərbaycanda Qadın Sahibkarlığının İnkişafı Assosiasiyası və “Marsol Group”un dəstəyi ilə keçirilən “Biznesdə qadınların gücü” layihəsi fevral və mart aylarında 23 qadın sahibkar üçün təlim və təcrübə proqramlarını əhatə edib.
Təlimlər zamanı iştirakçılar korporativ idarəetmə, məhsul təqdimatı və satışı, startap şəhadətnamələrinin üstünlükləri, liderlik və biznesin inkişafı üçün zəruri biliklər üzrə məlumatlandırılıb. Təlimlərdə ekspertlər Zahid Adıgözəlov, Sakit Səmədov, Hikmət Əliyev və Müjgan Əliyeva qadın sahibkarlarla fikir mübadiləsi aparıb və praktik məsləhətlər veriblər.
Layihə çərçivəsində qadın sahibkarlar dövlət qurumlarının nümayəndələri ilə görüşlər keçirib və Lənkəran rayonuna təcrübə səfərlərinə qatılıb. Aprel ayında layihə başa çatacaq və ən yaxşı 3 layihə müəllifinə biznes ideyalarını reallaşdırmaq üçün maliyyə dəstəyi göstəriləcək: 1-ci yer 5000 manat, 2-ci yer 3000 manat və 3-cü yer 2000 manat.
