AQSİA nümayəndələri “Ürəyimdəki Azərbaycan” foto sərgisində iştirak ediblər
November 10, 2025AQSİA-nın təşəbbüsü ilə Astaranın ucqar kəndində qadın sahibkarlar və həkim heyəti sosial aksiya keçirib
November 10, 2025Forum qadınların iqtisadi gücləndirilməsi və regional əməkdaşlığın inkişafına həsr olunub
AQSİA İdarə Heyətinin sədri Səkinə Babayeva, assosiasiyanın işçi heyəti və 17 sahibkar qadının iştirakı ilə Astara rayonuna səfər çərçivəsində rayon icra başçısı Qəzənfər Ağayevin iştirakı ilə Heydər Əliyev Mərkəzində bölgənin sahibkar qadınları ilə regional forum keçirilib.
Görüş zamanı Astaradan olan qadın sahibkarlar turizm, kənd təsərrüfatı və xidmət sahələrinin genişləndirilməsi, yeni başlayan sahibkar qadınlara təlimlərin təşkili kimi məsələləri müzakirə edərək, bölgədə AQSİA-nın nümayəndəliyinin yaradılmasını təklif ediblər.
Öz çıxışında Səkinə Babayeva qeyd edib ki, regionlarda özünəməşğulluğun təşviqi və qadınların iqtisadi gücləndirilməsi assosiasiyanın əsas prioritet istiqamətlərindəndir.
Astara rayon icra başçısı Qəzənfər Ağayev isə assosiasiyanın qadın sahibkarlara verdiyi dəstəyi yüksək qiymətləndirərək, gələcəkdə AQSİA ilə birgə layihələrin həyata keçirilməsinin planlaşdırıldığını bildirib.
