AQSİA Mərakeş səfiri ilə əməkdaşlıq imkanlarını müzakirə edib

Səkinə Babayeva Mərakeş sahibkar qadınları ilə qarşılıqlı əməkdaşlıq perspektivlərini təqdim edib

Mərakeşin Azərbaycandakı fövqəladə və səlahiyyətli səfiri Məhəmməd Adil Embarş AQSİA-nın ofisində görüş keçirib. Görüş zamanı assosiasiyanın son zamanlarda həyata keçirdiyi fəaliyyətlər və beynəlxalq layihələr barədə məlumat verən AQSİA İdarə Heyətinin sədri Səkinə Babayeva bildirib ki, Mərakeş sahibkar qadınlarının ölkəmizə cəlbi və yerli qadın sahibkarlarla əməkdaşlığın qurulması assosiasiya üçün prioritetdir.

Səfir Məhəmməd Adil Embarş birgə həyata keçiriləcək gələcək layihələri yüksək qiymətləndirib. Qeyd olunub ki, AQSİA ilə Mərakeş səfirliyi 2019-cu ildən etibarən davamlı əməkdaşlıq edir.