AQSİA Şimali Kipr Türk Cümhuriyyətinin Prezidentini və xanımını şam ziyafəti ilə qarşıladı
November 10, 2025AQSİA nümayəndəsi ENGAGE layihəsi çərçivəsində İspaniyada təlim səfərində iştirak edib
November 10, 2025Təhsil, mədəniyyət və sahibkarlıq sahələrində əməkdaşlıq əlaqələri möhkəmləndirilib
04 oktyabr 2023-cü il tarixində Azərbaycanda Qadın Sahibkarlığının İnkişafı Assosiasiyasının (AQSİA) heyəti, Azərbaycan Ticarət Evinin direktoru Regina Feyzullayeva ilə birlikdə Rusiyanın Həştərxan şəhərində yerləşən Heydər Əliyev adına məktəbi ziyarət edib. Məktəbin direktoru Tatyana Tixomirova Heydər Əliyev Fondunun dəstəyindən və məktəbdə müxtəlif xalqların – azərbaycanlı, rus, qazax, tatar və digər – uşaqlarının təhsil almalarından danışıb.
AQSİA İdarə Heyətinin sədri Səkinə Babayeva Ümummilli Lider Heydər Əliyevin xatirəsini yad edərək əklil qoyub və məktəbdə Azərbaycanın mədəniyyətinə dair guşələri təqdim edib. Daha sonra Babayeva məktəbin ən fəal qız şagirdləri ilə görüşərək qadın sahibkarlığı, qadınların cəmiyyətdə rolu və biznesdə qadın gücü mövzularında sualları cavablandırıb.
Günün ikinci hissəsində Səkinə Babayeva və Rusiya Federasiyası İqtisadi İnkişaf Nazirliyinin Həştərxan Vilayəti üzrə nümayəndəsi Leysan Kraçkovskaya “qadın sahibkarlığının inkişafı və rolu” mövzusunda Astraxan 24 kanalında müsahibə verib. Axşam isə Opora Rossiyanın Həştərxan üzrə sədri Natalya Batayeva və fəal üzvləri ilə rəsmi görüş keçirilib; görüşdə hər iki cəmiyyətin fəaliyyəti, yeni əməkdaşlıq imkanları və perspektivlər müzakirə olunub.
Görüşlər BMT-nin Dayanıqlı İnkişaf Məqsədlərinin 11-ci “Dayanıqlı şəhər və icmalar” və 17-ci “Məqsədlər üçün tərəfdaşlıq” istiqamətlərinə uyğundur.
