Azərbaycan-Qazaxıstan əməkdaşlığında qadın sahibkarların rolu müzakirə edilib
November 28, 2025AQSİA-nın Uzaq Şərqdən olan tərəfdaşları Bakıdadır
November 28, 2025Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Azərbaycanda Qadın Sahibkarlığının İnkişafı Assosiasiyası (AQSİA) İctimai Birliyi birgə təşkilatçılığı ilə 25 aprel – Sahibkarlar Gününə həsr olunmuş tədbir keçirilib.
Tədbir Dövlət Himninin səsləndirilməsi və Vətən müharibəsində həlak olan şəhidlərin xatirəsinin bir dəqiqəlik sükutla anılması ilə başlanıb. Çıxış edən natiqlər ölkəmizdə sahibkarlığın inkişafı üçün yaradılan şəraitdən, sahibkar qadınların fəaliyyətlərinin genişlənməsindən və milli brendlərin formalaşmasından söz açıblar.
Tədbirdə sahibkarlar, millət vəkilləri, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, QHT sektorunun nümayəndələri və Qazaxıstanın Atameken təşkilatının nümayəndəsi Saltanat Abdikarimova iştirak ediblər.
Həmçinin, AQSİA-nın üzvü olan sahibkarlara, bir sıra iştirakçılara və media nümayəndələrinə AQSİA-ya göstərilən dəstəyə görə təşəkkürnamələr təqdim olunub. Tədbir iftar süfrəsi ilə davam etdirilib.
