USAID vebinarında qadınların iqtisadi gücləndirilməsi müzakirə edilib
November 28, 2025AQSİA və Proaktiv MMC türk qida şirkətləri ilə yerli B2B görüş təşkil edib
November 28, 2025Aprelin 20-də, Füzuli uğrunda gedən döyüşlərdə qəhrəmancasına şəhid olmuş Nazir və Tacir Allahverdiyev qardaşlarının doğum günündə, Azərbaycanda Qadın Sahibkarlığının İnkişafı Assosiasiyasının (AQSİA) üzvləri və sahibkar xanımlar şəhidlərin anası Mailə xanımı ziyarət ediblər.
AQSİA sədri Səkinə Babayeva şəhidlərin xalqımızın qürur mənbəyi olduğunu, hər zaman qəlbimizdə yaşayacağını bildirərək, Mailə xanıma səbr diləyib. Ziyarətdə Afət Həsənli, Aida Kahveçi, Sosial Məsələlər Komissiyasının sədri və Nəzarət-Təftiş Komissiyasının üzvü Gülnarə Xəlilova, İdarə Heyətinin üzvü və İctimaiyyətlə Əlaqələr Komissiyasının rəhbəri Mətanət Ağamirli iştirak edib və mənəvi borc olaraq şəhid anasının yanında olduqlarını vurğulayıblar.
AQSİA üzvləri daha sonra ekiz şəhid qardaşların məzarlarını və Ağdamın Quzanlı qəsəbəsində yerləşən şəhid məzarlığını ziyarət ediblər. Şəhid anası AQSİA-nın göstərdiyi diqqət və qayğıya görə təşəkkürünü bildirib və övladlarının vətən uğrunda canlarından keçməsindən qürur hissi yaşadığını dilə gətirib. Mailə xanım həmçinin dövlətin və Prezident İlham Əliyevin şəhid ailələrinə göstərdiyi qayğı və diqqətdən razılığını ifadə edib.
