AQSİA-nın xeyriyyə aksiyaları davam edir

Ən ehtiyaclı ailələrə yardım paketləri təqdim olunub

Azərbaycan Qadın Sahibkarlığının İnkişafı Assosiasiyası (AQSİA) xeyriyyə aksiyalarını Assosiasiyanın sədri Səkinə Babayevanın təşkilatçılığı ilə davam etdirir.

Mövcud vəziyyətlə bağlı gündəlik çətinliklə yaşayan ailələrdən daxil olan müraciətlər nəzərə alınaraq, AQSİA-nın üzvləri İlhamə Şirinova, Aida Kahveci və Mətanət Ağamirlinin dəstəyi ilə ən ehtiyaclı ailələrə yardım paketləri çatdırılıb.

AQSİA-nın nümayəndələri vurğulayıblar ki, belə humanist aksiyalar birgə əməkdaşlıq və həmrəylik ruhunu göstərir: “Biz birlikdə güclüyük!”