Sahibkar xanımlar “Y-lex Consulting” və AQSİA-nın təşkilatçılığı ilə görüşdə bir araya gəlib
November 12, 2025“Biznesin maliyyələşdirilməsi və inkişafı üçün yeni imkanlar” mövzusunda konfrans keçirilib
November 12, 2025Yeni layihə və sahibkar qadınların məhsullarının sərgisi
04 dekabr 2018-ci il tarixində Park İnn Hoteldə Azərbaycan Ailə, Qadın və Uşaq Problemləri üzrə Dövlət Komitəsi, İsveç Səfirliyi və BMT-nin birgə təşkilatçılığı ilə “Azərbaycanda Özəl Sektorda Qadınlar: imkanlar və çətinliklər” adlı gender qiymətləndirməsinin təqdimatı həyata keçirilib.
Tədbir Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri xanım Hicran Hüseynova, İsveçrə Konfederasiyasının Azərbaycandakı Səfiri cənab Filipp Stalder və BMT-nin Rezident Əlaqələndiricisi cənab Qulam İshaqzainin açılış nitqləri ilə başlanıb. Təqdimat zamanı layihənin və gender qiymətləndirməsinin nəticələri iştirakçılara təqdim olunub və “Qadınların iqtisadi səlahiyyətlərinin artırılması” adlı yeni layihənin açılışı baş tutub.
Təqdimatda Azərbaycanda Qadın Sahibkarlığının İnkişafı Assosiasiyasının (AQSİA) sədri xanım Səkinə Babayeva, icraçı direktoru xanım Təranə Məmmədova, Regionlarla İş Komissiyasının rəhbəri xanım Kəmalə Məmmədova, Beynəlxalq Əlaqələr Komissiyasının rəhbəri xanım Günel Məmmədhəsənova və Marketinq Şöbəsinin rəhbəri xanım Səfa Novruzova iştirak ediblər.
Təqdimatdan sonra sərgi təşkil olunub. Sərgidə AQSİA-nın üzvləri olan kənd təsərrüfatı sahəsində fəaliyyət göstərən sahibkar qadınlar öz məhsullarını nümayiş etdiriblər.
