Səkinə Babayeva peşə təhsili alan gənclərə sahibkarlıq biliklərinin artırılması layihəsinin açılışında çıxış edib
November 12, 2025Bakıda qadın sahibkarların əl işləri sərgisi keçirilib
November 12, 2025AQSİA, Latviya və Gürcüstan Sahibkar Qadınları arasında üçtərəfli əməkdaşlıq memorandumu imzalanıb
Gürcüstanın Tbilisi şəhərində “Gürcüstan-Latviya-Azərbaycan Sahibkar Qadınlar Təşkilatlarının Beynəlxalq Əməkdaşlıq Forumu” çərçivəsində Azərbaycanda Qadın Sahibkarlarının İnkişafı Assosiasiyası (AQSİA), Latviya Sahibkar Qadınlar Assosiasiyası və Gürcüstan Sahibkar Qadınlar Birliyi arasında üçtərəfli əməkdaşlıq memorandumu imzalanıb.
26 iyun tarixində baş tutan forumda hər üç ölkədən sahibkar xanımlar iştirak edərək mövcud və potensial əməkdaşlıqları müzakirə edib, gələcək birgə layihələr və əməkdaşlıq istiqamətlərini müəyyənləşdiriblər. Memorandumu AQSİA-nın icraçı direktoru Nigar Ələsgərova, Gürcüstan Sahibkar Qadınlar Birliyinin prezidenti Mziya Kereselidze və Latviya Sahibkar Qadınlar Assosiasiyasının sədri Janna Kulakova imzalayıblar.
Qeyd edək ki, AQSİA 26 oktyabr 2017-ci ildə ölkədə fəaliyyət göstərən qadın sahibkarların təşəbbüsü ilə, İqtisadiyyat Nazirliyinin, Ailə, Qadın və Uşaq Problemləri üzrə Dövlət Komitəsinin və Azərbaycan Sahibkarlar (İşəgötürənlər) Təşkilatları Milli Konfederasiyasının dəstəyi ilə təsis olunub və 22 dekabr 2017-ci ildə dövlət qeydiyyatına alınıb. AQSİA-nın əsas məqsədi qadınlar arasında sahibkarlığın inkişafına dəstək verməkdir.
