Azərbaycandakı Fövqəladə və Səlahiyyətli Səfiri Zati-aliləri cənab Məhəmməd Əl Bluşi ilə görüş
October 10, 2025Azərbaycan-İran Biznes Forumu Bakıda Keçirilib
October 10, 2025“Azərbaycanda Qadın Sahibkarlığının İnkişafı Assosiasiyası” (AQSİA) İctimai Birliyi ilə Qazaxıstanın Biznes, Cəmiyyət və Dövlətlə Əlaqələr üzrə Assosiasiyası arasında əməkdaşlığa dair memorandum imzalanıb.
İmzalanma mərasimi Bakıda keçirilən Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 10-cu biznes forumu çərçivəsində baş tutub.
AQEM ölkələrində qadınların kiçik və orta biznesdə iştirakına dəstək göstərilməsi haqqında Memorandumu AQSİA-nın sədri Səkinə Babayeva və Qazaxıstanın Biznes, Cəmiyyət və Dövlətlə Əlaqələr üzrə Assosiasiyasının prezidenti Ayajan Uteuova imzalayıblar.
Əməkdaşlığın əsas istiqamətləri arasında qadın sahibkarlığının dəstəklənməsi – qadınların iqtisadi imkanlarının genişləndirilməsinə yönəlmiş strateji tərəfdaşlığın qurulması, kreativ sənaye sahələrinin inkişafı – innovasiya və dayanıqlı inkişafın hərəkətverici qüvvəsi kimi kreativ iqtisadiyyatın əhəmiyyətinin tanınması, rəqəmsal iqtisadiyyat sahəsində əməkdaşlıq – qadın sahibkarlar üçün rəqəmsal həllər, platformalar və xidmətlərin yaradılması və tətbiqi vasitəsilə rəqəmsal transformasiyanın təşviqi qeyd edilib.
Bundan əlavə, qadınların biznes, idarəetmə və innovasiya sahələrində səriştələrinin artırılması üçün təhsil proqramlarının, seminarların, təlimlərin və digər təşəbbüslərin birgə hazırlanması və həyata keçirilməsi planlaşdırılır.
